Сеулде Global Digital Innovation Alliance Халықаралық инновациялық альянстың ашылуы өтті. Іс-шараға АҚШ, Бельгия, Бразилия, Қытай, Малайзия, Сингапур, Португалия, Корея, Румыния сынды елдердің жетекші қалалары қатысты, деп хабарлайды Астана әкімдігінің ресми сайты Астана Innovations АҚ сілтеме жасап.

Аталған шараға Қазақстаннан Астана Innovations АҚ басқарма төрағасы Олжас Сартаев қатысты.

«Жаңа альянс – уақыт талабы. Америка, Сингапур, Қытай, Бельгия сынды елдердің жетекші қалаларының тізімінде Астананың да болуы мені қуантты. Меніңше, форумға қатысуымыз екі бағытта қарастырылуы керек. Біріншісі – тәжірибе алмасу. Сондай-ақ біздің талаптарымызға қолайлы инновациялық көңіл-күйдің барометрі іспетті», – деді Олжас Сартаев.

Astana Innovaitions басшысы альянстың келесі отырысы Астанада өтетінін ерекше атап өтті.